هه‌مه‌جۆريى پۆپۆليزم: پێداچوونه‌وه‌ به‌ واژه‌وار و ئه‌جێنداى لێكۆڵينه‌وه‌ [له‌باره‌ى پۆپۆليزمه‌وه‌] بەشی یەکەم

نعوم گيردۆن، به‌شى حكوومه‌ت، زانكۆى هارڤارد. بارت بۆنيكۆفسكى، به‌شى سۆسيۆلۆژى، زانكۆى هارڤارد.

وەرگێڕانی لە ئینگلیزییەوە: ئاسۆ کەریم

له‌م ساڵانه‌ى دواييدا، پۆپۆليزم (شعبوية- Populism)، بووه‌ته‌ جێگه‌ى سه‌رنج و بايه‌خى كۆمه‌ڵناسان و چاودێرانى  سياسى [1]، وێڕاى ئه‌و ڕاستييه‌ى كه‌ "سروشتى جيوه‌يیى پۆپۆليزم، بارى پتر سه‌رودڵى ئه‌و كه‌سانه‌ى گرتووه‌ كه‌ هه‌وڵ ده‌ده‌ن پۆپۆليزم به‌جددى وه‌ربگرن.‌" [2] له‌ ڕاستيدا، زاراوه‌ى پۆپۆليزم هه‌م زۆر به‌كار دێ ‌و هه‌م كێشه‌ و قڕه‌ى زۆرى له‌سه‌ره. [3]‌ [4] پۆپۆليزم ل گۆڕ بنه‌ما و بچم و ئاكار‌ى سياسى، ئابوورى، كۆمه‌ڵايه‌تى و گوتاربێژييه‌وه‌، پێناسه‌ كراوه‌ [5]، له‌ ڕوانگه‌لێكى بێئه‌ژمارى تيۆرييه‌وه‌ شرۆڤه‌ و شی كراوه‌ته‌وه‌- له‌وانه‌ بنيادگه‌رى، پۆست بنيادگه‌رى، تيۆريى مۆدێرنه‌كردن، تيۆريى بزاڤى كۆمه‌ڵايه‌تى، حزبه‌ سياسییه‌كان، سايكۆلۆژیى سياسى، ئابووريى سياسى و تيۆريى ديموكراتى – و چه‌ندين ڕێچكه‌ى ميتۆدۆلۆژيى جياواز، وه‌ك لێكۆڵينه‌وه‌ى ئه‌رشيڤى، شيكردنه‌وه‌ى گوتار و ميتۆدى وه‌سفيى شكڵى بۆ تێگه‌يشتن له‌و ديارده‌يه‌ پێڕه‌و كراون‌ [6] وه‌ك وايلز تێبينیى كردووه‌ "هه‌ر يه‌كه‌ به‌پێى ئه‌و بيوره‌ ئه‌كاديمييه‌ى ده‌ستى، پێناسه‌ى خۆى بۆ پۆپۆليزم داتاشيوه‌‌" [7]

ئامانجى ئه‌م پێداچوونه‌وه‌ واژه‌وارييه‌‌ ئه‌وه‌يه،‌ كه‌ چۆن ئه‌و بيوره‌ ئه‌كاديمييانه‌ يه‌كتر بسوون و ده‌مه‌زه‌رد بكه‌نه‌وه‌ و، له‌م ڕێگه‌يه‌وه‌ لێتگه‌يشتنى تيۆرييانه‌ى ئێمه‌ بۆ ئه‌م چه‌مكه‌ مشتوماڵ ببێته‌وه ‌و، ڕێچكه‌گه‌لێكى نوێى ميتۆدۆلۆژى بۆ ديراسه‌ى سياسه‌تگه‌لى پۆپۆليستى بكه‌نه‌وه‌. وتووێژێكى هه‌مه‌لايه‌نه‌ له‌باره‌ى بابه‌تى ئه‌م لێكۆڵينه‌وه‌يه‌، هه‌م له‌ كاتێكى له‌باردايه ‌و هه‌م پاساوى خۆيشى هه‌يه‌، ئه‌ویش ڕۆڵى سياسه‌تگه‌لى پۆپۆليستييه‌ له‌ ديموكراسییه‌ته‌كانى هاوده‌مدا.

سه‌رباريش، كارێكى به‌سوود ده‌بێ ئه‌گه‌ر به‌و كتێب و لێكۆڵينه‌وانه‌دا كه‌ له‌باره‌ى سياسه‌تگه‌لى پۆپۆليستييه‌وه‌ نووسراون بچينه‌وه‌ و هه‌ڵبسه‌نگێنينه‌وه‌،  نه‌ك ته‌نيا له سۆنگه‌ى به‌ربڵاويى به‌كارهێنانى ئه‌م چه‌مكه‌ له‌ لێتۆژينه‌وه‌ى زانستى كۆمه‌ڵايه‌تيى هاوچه‌رخدا، به‌ڵكه‌ له‌به‌ر ئه‌وه‌ى‌ "پۆپۆليزم مۆرێك به‌‌ ديارده‌يه‌كى گرنگى سياسييه‌وه‌ ده‌نێ" [8] سياسه‌تگه‌لى پۆپۆليستى ده‌توانن كه‌ته‌لۆگه‌كانى سازدانى سياسى، به‌تايبه‌تى فۆرمه‌كانى بزووتنه‌وه‌ كۆمه‌ڵايه‌تييه‌ جه‌ماوه‌رييه‌كان و ئه‌و ڕێكخراوه‌ حزبييانه‌ى به‌شدارى له‌ كار و كرده‌ كۆمه‌ڵايه‌تييه‌كاندا ده‌كه‌ن، دابڕێژنه‌وه‌و شێوه‌يه‌كى ديكه‌يان پێ بده‌ن [9].

تواناكانى سياسه‌تگه‌لى پۆپۆليستى به‌ مشتوماڵكردن و ده‌مه‌زه‌ردكردنه‌وه‌ى فۆرمگه‌لێكى نوێى به‌شداريى سياسى، له‌ سه‌رده‌م و قۆناغێكدا كه‌ به‌شداريى سياسيى ڕه‌سمى له‌ داشكان دايه‌‌، وه‌كو: كه‌مبوونه‌وه‌ى ڕێژه‌ى به‌شداريى خه‌ڵك له‌ پرۆسه‌كانى هه‌ڵبژاردن و كه‌مبوونه‌وه‌ى ئه‌ندامێتيى حزبى، گرنگييه‌كى تايبه‌تى خۆيان هه‌يه‌ [10].

له ‌هه‌مان كاتدا، له‌ ديموكراسییه‌ته‌ خۆنه‌گرتووه‌كاندا، له‌وانه‌يه‌ پۆپۆليزم ببێته‌ هۆى داخوران و داچۆڕانى داموده‌زگه‌ ديموكراتييه‌كان و دنه‌دانى ڕژێمگه‌لێكى ملهوڕى ڕكبه‌ڕكه‌ى يه‌كتر [11]. هه‌روا پۆپۆليزم سه‌روكارێكى نزيكيشى له‌گه‌ڵ جه‌مسه‌ربه‌نديى سياسيدا هه‌يه ‌و له‌ سايه‌ى هه‌ندێ هه‌لومه‌رجدا له‌وانه‌يه‌ پاڵ به‌ سيسته‌مه‌ حزبييه‌كانه‌وه‌ بنێت تا لێوارى هه‌ڵدێران و داڕووخان [12]. له ‌ته‌ك ئه‌وه‌یشدا، سياسه‌تگه‌لى پۆپۆليستى ڕۆڵێكى بنه‌ڕه‌تى له‌ ڕێكخستنه‌وه‌ و ڕێزبه‌نديى‌ سياسيدا ده‌بينن و ئه‌و ڕێزبه‌ندييه‌یش سنووره‌ ئه‌خلاقييه‌كانى نێوان گرووپه‌كان ده‌كێشنه‌وه‌‌ و كاتيگۆرييه‌كانى (ئێمه‌) و (ئه‌وان) دێننه‌‌ گۆڕێ [13] [14].

ئێمه‌ ده‌مانه‌وێ له‌ پێناو داڕشتنى چوارچێوه‌يه‌كى به‌رفره‌تر بۆ شيكردنه‌وه‌ى پۆپۆليزم، به‌شداريى هه‌وڵه‌كانى ئه‌م دوايیيانه‌ بكه‌ين. ئه‌و چوارچێوه‌يه‌ش له‌ نزيكه‌وه‌ جۆره‌كانى پۆپۆليزم، به‌پێى كات و شوێن بداته‌‌ به‌ر باس و، چاودێر بێ به‌سه‌ر بچم و ڕووكاره‌ دايناميك و جێگير و چه‌سپاوه‌كانى سياسه‌تگه‌لى پۆپۆليستى. چوارچێوه‌ى كاتبه‌نديى ئه‌م لێكۆڵينه‌وه‌يه‌ له‌ ئاخيروئۆخرى سه‌ده‌ى نۆزده‌یه‌مه‌وه‌ تا به ئه‌‌مڕۆ ده‌گا، ده‌گرێته‌وه ‌و له‌ بارى جوگرافيیشه‌وه‌ له‌ ئه‌وروپاى ڕۆژهه‌ڵات و ئه‌مريكاى لاتينه‌وه‌ بگره‌ تا دیموكراسییه‌ته‌كانى ئه‌نگلۆ- ئه‌مريكى، ته‌كه‌ز و تيشكيان ده‌خاته‌ سه‌ر. [15] بۆ جه‌ختكردنه‌وه‌ش له‌سه‌ر ئه‌و حه‌مكه‌ كێشه‌ تيۆرييه‌، ئه‌وله‌ویيه‌ت به‌ پرس و مه‌سه‌له‌ تيۆرييه‌ سه‌ره‌كى و تێكپه‌ڕه‌كان ده‌ده‌ين كه‌ له‌ ئه‌ده‌بياتى سياسيدا له‌مه‌ڕ جياوازييه‌ تايبه‌ته‌ ورده‌كانى يه‌كه‌ يه‌كه‌ى كێسه‌كانى سياسه‌تگه‌لى پۆپۆليستى، دێنه‌ ئاراوه‌.

ئێمه‌ به‌ وتووێژكردن له‌باره‌ى پێناسه‌ و ڕێبازه‌ جياوازه‌كان  بۆ ديراسه‌كردنى پۆپۆليزم ده‌ست پێ ده‌كه‌ين و، هه‌روا گريمانه‌ تيۆرييه‌كانيان و شوێنه‌وار و شۆپه‌‌ ميتۆدۆلۆژييه‌كانيان له‌گه‌ڵ يه‌كتردا به‌راورد ده‌كه‌ين. پاشان، ئێمه‌ پێوه‌نديى نێوان پۆپۆليزم و ديموكراسى ده‌ده‌ينه ‌به‌رباس، له ‌ته‌ك جياوازيى ئايديۆلۆژى له‌ بانگه‌شه و گوتاره‌‌ پۆپۆليستییه‌كاندا. ديماهييه‌كه‌ى، ئێمه‌ پێشنيارى چه‌ند ئاراسته‌يه‌كى شياو بۆ لێكۆلێنه‌وه‌ى ئايینده‌ له‌باره‌ى پۆپۆليزمه‌وه‌ ده‌كه‌ين وه‌ك شێوه‌يه‌ك له‌ شێوه‌كانى سياسه‌تگه‌لێكى  ئه‌خلاقى.

سروشتى فره‌ڕووى پۆپۆليزم: ئالينگارييه‌كانى به‌رده‌م پێناسه‌كردنى چه‌مكى پۆپۆليزم‌

زۆربه‌ى لێكۆڵه‌ر و زانايان هاوڕان كه‌ "پۆپۆليزم، خه‌ڵك ده‌په‌رستێ." [16] له‌و ديوى ئه‌م هه‌قايه‌ته‌ سواوه‌، كۆده‌نگييه‌كى ئه‌وتۆ نييه‌.  له‌ هه‌وڵێكى له‌پێشينه‌ و به‌راييدا بۆ  شيكردنه‌وه‌يه‌كى به‌رفره‌ى به‌راوردكاریى ئه‌م چه‌مكه‌، گيلنه‌ر و ئيونيسكۆ  Ionescu and Gellner ده‌نووسن:

"نها هيچ شك و گومانێك له‌سه‌ر بايه‌خ و گرنگيى پۆپۆليزم نييه‌. لێ هيچ كه‌سێكيش به‌ته‌واوى نازانێ ئه‌م چه‌مكه‌ چييه‌. چ وه‌كوو عه‌قيده‌يه‌ك چ وه‌كوو بزاڤيك، چه‌مكێكى سه‌رسووڕهێن و فره‌ڕه‌نگ و بێبه‌روپشته‌  و له‌ هه‌موو جێياندا سه‌ر ده‌ردێنێ، لێ به ‌شێوه‌ى جۆراوجۆرى ناته‌با. داخوا پۆپۆليزم هيچ يه‌كێتييه‌كى بنه‌ڕه‌تيى چه‌مكايه‌تیى تێدا هه‌يه‌‌؟  يان ناوێكه‌ و چه‌ندين ئاراسته‌ و سه‌متى به‌يه‌كه‌وه‌ گرێ نه‌دراوه‌؟" [17]

ئالينگاريى به‌رده‌م پێناسه‌كردنى پۆپۆليزم به ‌لانى كه‌مه‌وه‌ به‌شێكى ده‌گه‌ڕێته‌وه‌ بۆ ئه‌و ڕاستييه‌ى كه‌ ئه‌م تێرمه‌  بۆ باسكردنى چه‌ندين بزاڤ و حزب و ئايديۆلۆژی و ڕابه‌رى سياسى له‌ پێڤاژۆى جوگرافى و مێژوويى و ئايديۆلۆژیی لێكجيادا، به‌كار ده‌هێنرێ. له‌ ڕاستيدا "هاوڕاييیه‌كى گشتى له‌ وێژه‌وارى به‌راوردكاريدا هه‌يه‌ كه‌ پۆپۆليزم چه‌مكێكى ناته‌با، بێبه‌روپشت و گرێدراوى كه‌لتوور و پشتبه‌ستووى پێڤاژۆ و هه‌لومه‌رجه‌." [18] كه‌واته‌ ئالينگارى وا فام ده‌كرێ، كه‌ چۆن كه‌لتوور و پێڤاژۆ سياسه‌تگه‌لى‌ پۆپۆليستى داده‌ڕێژن و شێوه‌ و شكڵى پێ ده‌ده‌ن و، چۆنيش پۆپۆليزم به‌ ده‌ورى خۆيه‌وه‌ كاريگه‌رى له‌سه‌ر گۆڕانى سياسى داده‌نێ.

يه‌كه‌م، پۆپۆليزم، به ‌شێوه‌ جياوازه‌كانى خۆى، له‌ سه‌رانسه‌رى وڵاتان و ناوچه‌كاندا بڵاو بووه‌ته‌وه‌. بۆ نموونه‌، گلنه‌ر و ئيۆنيسكۆ له‌ كتێبه‌ گرنگه‌كه‌ى خۆياندا (1969)، وتووێژ له‌باره‌ى چه‌ند كێسێكه‌وه‌ ده‌كه‌ن؛ هه‌ر له‌ باكوورى ئه‌مريكا، ئه‌مريكاى لاتينه‌وه‌ تا ده‌گاته‌ ڕووسيا، ئه‌وروپاى ڕۆژهه‌ڵات و ئه‌فريقا. له‌ به‌شداريبوونێكى گرنگدا، مودى و كالتواسه‌ر [19] پێوه‌نديى نێوان پۆپۆليزم و ديموكراسييان له‌ ئه‌وروپاى ڕۆژهه‌ڵات و ڕۆژاوا، له‌ كه‌نه‌دا، له‌ ئه‌مريكاى لاتين، داوه‌ته‌ به‌رباس. له ‌ته‌ك به‌راوردى ئه‌م وڵات و ئه‌و وڵاتدا، هه‌ندێ لێكۆڵه‌رى ديكه‌ ئاماژه‌يان بۆ ڕه‌هه‌ندى بان-نه‌ته‌وه‌يیى ئه‌م ديارده‌يه‌ كردووه ‌و، قامكيان بۆ ئه‌و شێوازو ڕێگه‌يانه ڕاكێشاوه‌ كه‌ چوارچێوه‌ وتاربێژييه‌‌ پۆپۆليسته‌كانيان پێ له‌ وڵاتاندا بڵاو بووه‌ته‌وه ‌‌و چۆن خۆيان له‌گه‌ڵ هه‌لومه‌رجه‌كاندا گونجاندووه [20]‌ .

دووه‌م، سياسه‌تگه‌لى پۆپۆليستى له‌ سه‌رده‌م و قۆناغى مێژوويیى جياجيادا سه‌ريان هه‌ڵداوه‌: لێكۆڵه‌ر و زانايان شه‌پۆله‌ جياوازه‌كانى پۆپۆليزم لێك جيا ده‌كه‌نه‌وه‌، كه‌ به‌ بزووتنه‌وه‌كانى جووتياران له‌ ڕووسيا و  ئه‌مريكا له‌ كۆتاييیه‌كانى سه‌ده‌ى نۆزده‌یه‌مدا، ده‌ست پێ ده‌كه‌ن، پاشان به‌ سه‌رهه‌ڵدانى پۆپۆليزمى ئه‌مريكاى لاتين له‌ ناوه‌ڕاستى سه‌ده‌ى بيسته‌مدا ده‌ڕۆن تا ده‌گه‌نه‌‌ سه‌رهه‌ڵدانه‌وه‌ى پۆپۆليزم له‌ ئه‌وروپا، ئه‌مريكا و ئه‌مريكاى لاتيندا [21]. هه‌روا كتێب و لێكۆڵينه‌وه‌ى ديكه‌ جياوازييه‌ گرنگه‌كانى نێوان فۆرم و پله‌كانى سياسه‌تگه‌لى پۆپۆليستى له‌نێو يه‌ك ده‌وڵه‌تدا، يان له‌ ناوچه‌يه‌كدا به‌پێى كات نيشان ده‌ده‌ن [22]. پۆپۆليزم نه‌ك هه‌ر سنووربڕى جو‌گرافى و قۆناغبه‌زێنى مێژوويى بووه‌، به‌ڵكه‌ هه‌روا سنووربڕى دابه‌شبه‌نديى ئايديۆلۆژیيش بووه‌‌. له‌ ئه‌وروپا، جۆرێكى تايبه‌ت و هه‌ڵاوێرده‌ى ڕاستڕۆى پۆپۆليزم له‌ هه‌شتاكاندا هاتووه‌ته‌ گۆڕێ- له‌و ده‌مه‌وه‌ تا ئێسته‌ توندوتوشتر بووه‌- به‌زۆرى پڕ ده‌داته‌ خه‌ڵكى كۆچبه‌ر و كه‌مينه‌ نه‌ته‌وه‌يیيه‌كان [23].

له ‌لايه‌كى ديكه‌وه،‌ له‌ ئه‌مريكاى لاتيندا، پۆپۆليزم له‌م ساڵانه‌ى دواييدا بارى پتر، تێڕوانينێكى هه‌مه‌گرانه‌ى بۆ كۆمه‌ڵگه‌ هه‌بووه‌ و هه‌وڵی داوه‌ ناسنامه‌ جودا ئيتنييه‌كان له‌ناو يه‌ك چوارچێوه‌ى سياسيى هاوبه‌شدا كۆ بكاته‌وه‌. [24] له‌ ويلايه‌ته‌ يه‌كگرتووه‌كانى ئه‌مريكادا، پۆپۆليزم ياوه‌ر و هاوڕێى چه‌ندين ئايديۆلۆژیى ئابوورى و حزبى سياسيى لێكجيا بووه‌، له‌ حزبى پۆپۆليستیى ئاخيروئۆخرى سه‌ده‌ى نۆزده‌یه‌م و چه‌پى نوێى شه‌سته‌كانى سه‌ده‌ى ڕابردوو، تا ده‌گاته‌ جياوازيى ڕه‌گه‌زى له‌ باشوورى ئه‌مريكا و ئۆرتۆدۆكسه‌ كۆمارييه‌كانى ئه‌مڕۆى ئابووريى بازاڕى ئازاده‌وه‌. [25] له ‌ڕاستيدا، زه‌حمه‌ته‌ ناوكۆييیه‌كى ئايديۆلۆژيى هاوبه‌ش، ئه‌و حه‌مكه‌ بزووتنه‌وه‌ پۆپۆليسته‌ ده‌سكرد و ساخته‌يه‌ به‌يه‌كه‌وه‌ گرێ بدا، به‌تايبه‌تى له ‌كاتێكدا  پۆلينكردنى ئه‌كته‌ره‌ سياسييه‌كان له‌سه‌ر بنه‌ماى لێتگه‌يشتنێكى به‌فره‌ى ئه‌و چه‌مكه‌ى پۆپۆليزم دامه‌زرابێ. سه‌ير بكه‌ چۆن ئه‌م تێرمه‌ له‌ ميدياى بريتانيدا به‌كار هاتووه ‌و دێ، بالى و ئه‌وانى ديكه‌ (2011) ده‌بينن‌ كه‌ "هه‌ر ئه‌كته‌رێكى سياسى بۆ ماوه‌يه‌ك له‌ هه‌واڵه‌كاندا قسه‌ و باسى له‌باره‌وه‌ بكرێ و ناوى بهێنرێ، ئه‌وا زوو يان دره‌نگ ده‌كه‌وێته‌ به‌ر مه‌ترسييه‌وه‌ كه‌ ناوى پۆپۆليستى لێ بنرێ." [26]؛ ليستى ئه‌و سه‌ركرده‌ سياسييانه‌ى كه‌ له‌ چاپه‌مه‌نى بريتانى له‌ 2007دا ئه‌و مۆره‌يان پێوه ‌نراوه‌، بريتين له‌ سياسه‌توانى زۆر لێكجيا وه‌ك جاكوب زوماى ئه‌فريقاى باشوور، سه‌رۆكوه‌زيرانى ئه‌و ده‌مه‌ى بريتانيا، گۆردۆن براون، سه‌رۆككۆمارى ئێران، مه‌حموودى ئه‌حمه‌دینه‌ژاد، سه‌رۆكوه‌زيرانى پێشووترى ئيتاڵيا، سليڤيۆ برليسكۆنى، هۆگۆ چاڤێزى فه‌نزوێلا، پاڵێوراوى كۆنه‌پارێز بۆ سه‌رۆكايه‌تيى ئه‌مريكا، مايك هوكابى. به‌زه‌حمه‌ت ده‌كرێ ڕايه‌ڵه‌يه‌ك  هه‌بێ ئه‌و سه‌ركردانه‌‌ پێكه‌وه‌ ببه‌ستێته‌وه‌، ئه‌گه‌ر وشه‌ى پۆپۆليست  كه‌ ڕۆژنامه‌نووسان به‌وانه‌يان لكاندووه‌، بخه‌ينه‌ لاوه‌.

وێڕاى ئه‌م ئاريشانه‌، ده‌كرێ بگه‌ينه‌ لێتێگه‌يشتنێكى سيسته‌ماتيكانه‌ بۆ پۆپۆليزم كه‌ به‌ڕوونى بيچم و ئه‌دگاره‌ سه‌ره‌كييه‌كانى ئه‌و ديارده‌يه‌ ديارى بكا و ده‌رفه‌ت به‌ به‌راوردێكى ڕاستترى سياسه‌تگه‌لى‌ پۆپۆليستى له‌ بان پێڤاژۆكانه‌وه‌ بدات. به ‌له‌به‌رچاوگرتنى ئه‌و ئامانجه‌ى له‌ زه‌ينى ئێمه‌دايه‌، ئێمه‌ ته‌كه‌ز ده‌كه‌ينه‌ سه‌ر سێ ڕێچكه‌ى تيۆرى و ئه‌بستراكت كه‌ له‌ واژه‌وارى زانستى سياسى و سۆسيۆلۆییه‌وه‌ هه‌ڵده‌هێنجرێن و ده‌كه‌ونه‌وه‌؛ ئه‌و واژه‌واره‌يه‌ پێناسه‌ى پۆپۆليزم ده‌كه‌ن 1) وه‌ك ئايديۆلۆژييه‌ك، 2) وه‌ك ستايلێكى گوتاربێژى و 3) وه‌ك فۆرمێكى كۆكردنه‌وه ‌و سازدانى سياسى.[27]

 

سه‌رچاوه‌: ويزه‌رهيد سه‌نته‌ر بۆ كاروبارى نێوده‌وڵه‌تى، زانكۆى هارڤارد.

 

https://scholar.harvard.edu/ 

 

 

  • See: Panizza, Francisco. 2005. Populism and the Mirror of Democracy. London: Verso., Bale, Tim, Stijn van Kessel and Paul Taggart. 2011. ‘Thrown Around With Abandon? Popular Understandings of Populism as Conveyed by the Print Media: A UK case study’, Acta Politica, Vol. 46 (2), pp. 111–131., Mudde, Cas. 2004. ‘The Populist Zeitgeist’, Government and Opposition, Vol. 39 (4), pp. 542– 563., Berezin, Mabel. 2013. "The Normalization of the Right in Post-Security Europe", in: Armin Schaefer and Wolfgang Streeck (eds.), Schaefer, Armin and Wolfgang Streeck. eds. 2013. Politics in an Age of Austerity.Cambridge: Polity Press, Kaltwasser, Cristobal Rovira. 2013. ‘The Responses of Populist to Dahl’s Democratic Dilemmas’, Political Studies.
  • Stanley, Ben. 2008. ‘The Thin Ideology of Populism’, Journal of Political Ideologies, 13 (1), pp. 95-110., 108.
  • Roberts, Kenneth M. 2006. ‘Populism, Political Conflict, and Grass-Roots Organization in Latin America’. Comparative Politics, Vol. 38 (2), pp. 127-148; Barr, Robert R. 2009. ‘Populists, Outsiders and Anti-Establishment Politics’, Party Politics, Vol.15 (1), pp. 29–48.
  • As observed by Moffitt, Benjamin and Simon Tormey. 2013. ‘Rethinking Populism: Politics, Mediatisation and Political Style’, Political Studies, 2) “it is an axiomatic feature of literature on the topic to acknowledge the contested nature of populism […], and more recently the literature has reached a whole new level of meta--‐reflexivity, where it is posited that it has become common to acknowledge the acknowledgement of this fact.”
  • Weyland, Kurt. 2001. ‘Clarifying a Contested Concept: Populism in the Study of Latin American Politics’, Comparative Politics, Vol. 34 (1), pp. 1-22 p.1
  • Acemoglu, Daron, Georgy Egorov and Konstantin Sonin. 2011.’A Political Theory of Populism,’NBER Working Papers 17306, National Bureau of Economic Research, Inc. Ionescu, Ghita, and Ernst Gellner, eds. 1969. Populism: Its Meanings and National Characteristics. New York: Macmillan. Canovan, Margaret. 2002. ‘Taking Politics to the People: Populism as the Ideology of Democracy’, in: Meny, Yves and Yves Surel (eds.), Democracies and the Populist Challenge. New York: Palgrave, pp. 25-44. Hawkins, Kirk A. 2009. ‘Is Chavez Populist?: Measuring Populist Discourse in Comparative Perspective’, Comparative Political Studies, Vol. 42, pp. Goodliffe, Gabriel. 2012. The Resurgence of the Radical Right in France. Cambridge: Cambridge University Press. Postel, Charles. 2007. The Populist Vision. Oxford: Oxford University Press.
  • Ionescu, Ghita, and Ernst Gellner, eds. 1969. Populism: Its Meanings and National Characteristics. New York: Macmillan.p.166.
  • Hawkins, Kirk A. 2010. Venezuela’s Chavismo and Populism in Comparative Perspective. Cambridge: Cambridge University Press., 49.
  • Madrid, R. L. 2008. ‘The rise of ethno populism in Latin America’. World Politics, Vol. 60(3), pp. 475–508Subramanian, Narendra. 2007. ‘Populism in India’, SAIS Review, Vol. 27(1), pp. 81–91., Hawkins, Kirk A. 2010. Venezuela’s Chavismo and Populism in Comparative Perspective. Cambridge: Cambridge University Press., Jansen, Robert S. (2011). ‘Populist Mobilization: A New Theoretical Approach to Populism’. Sociological Theory, 29 (2), pp. 75–96..
  • see also Skocpol, Theda and Williamson, Vanessa. 2012. The Tea Party and the Remaking of Republican Conservatism. Oxford: Oxford University Press., 197. 
  • Levitsky, Steven and James Loxton. 2012. Populism and competitive authoritarianism: the case of Fujimori’s Peru. In: Mudde, Cas and Cristóbal Rovira Kaltwasser (eds.). Populism in Europe and the Americas. Cambridge: Cambridge University Press.
  • Pappas, Takis S. 2013. ‘Populist Democracies: Post – Authoritarian Greece and Post-Communist Hungary’, Opposition and Government.
  • Laclau, Ernesto. 2005. On Populist Reason. London: Verso., Fella, Stefano and Ruzza, Carlo. 2009. Re-Inventing the Italian Right: Territorial Politics, Populism and 'Post-Fascism'. London: Routledge.
  • On the effects of such cultural categories on policy-making, see (Steensland, Brian. 2008. The Failed Welfare Revolution: America’s Struggle over Guaranteed Income Policy. Princeton: Princeton University Press.)
  • Another relevant case, which we do not discuss in details in this literature review, is populist politics in India. For more on this topic, see (Subramanian, Narendra. 1999. Ethnicity and Populist Mobilization: Political Parties, Citizens and Democracy in South India. Oxford: Oxford University Press. Subramanian, Narendra. 2007. ‘Populism in India’, SAIS Review, Vol. 27(1), pp. 81–91.)
  • Ionescu, Ghita, and Ernst Gellner, eds. 1969. Populism: Its Meanings and National Characteristics. New York: Macmillan, p.4.
  • Ionescu, Ghita, and Ernst Gellner, eds. 1969. Populism: Its Meanings and National Characteristics. New York: Macmillan, p.1.
  • Arter, David. 2010. ‘The Breakthrough of Another West European Populist Radical Right Party? The Case of the True Finns’. Government and Opposition, Vol. 45(4), pp. 484–504, p.490.
  • Mudde, Cas and Cristóbal Rovira Kaltwasser (eds.). 2012. Populism in Europe and the Americas. Cambridge: Cambridge University Press.
  • Sawer, M., & LAYCOCK, D. (2009). ‘Down with Elites and Up with Inequality: Market Populism in Australia and Canada’. Commonwealth & Comparative Politics, Vol. 47(2), pp.133–150.
  • Taggart, Paul. 2000. Buckingham: Open University Press., Jagers, Jan and Walgrave, Stefaan. 2007. Populism as political communication style: An empirical study of political parties' discourse in Belgium. European Journal of Political Research, Vol. 46 (3), pp. 319–345., Roberts, Kenneth. 2010. ‘Latin America's Populist Revival’, SAIS Review. Vol. 27 (1), pp. 3-15 Levitsky, Steven and, Kenneth M Roberts (eds.). Roberts . 2011. The Resurgence of the Latin American Left. Baltimore: John Hopkins University Press., Rosenthal, Lawrence and Christine Trost (eds.). 2012. Steep: The Precipitous Rise of the Tea Party. Berkeley: University of California Press.
  • For the US, see Kazin, Michal. 1995. The Populist Persuasion: An American History. Ithaca: Cornell University Press and  Hofstadter, Richard. 2008 (1964). The Paranoid Style in American Politics and Other Essays. New York: Vintage Books.; for France, Remond, Rene. 1966. The Right Wing in France: From 1815 to de Gaulle. Philadelphia: University of Pennsylvania Press. and Goodliffe, Gabriel. 2012. The Resurgence of the Radical Right in France. Cambridge: Cambridge University Press.; for Latin America, Roberts, Kenneth. 2010. ‘Latin America's Populist Revival’, SAIS Review. 27 (1), pp. 3-15.
  • Kaltwasser, Cristobal Rovira. 2013. ‘The Responses of Populist to Dahl’s Democratic Dilemmas’, Political Studies. Ignazi, Piero. 2003.Extreme Right Parties in Western Europe. Oxford: Oxford University Press., Betz, Hans-Georg. 1994. Radical Right-Wing populism in Western Europe. Basingstroke: MacMillan., Koopmans, Ruud. 1996. ‘Explaining the rise of racist and extreme right violence in Western Europe: Grievances or opportunities?’, European Journal of Political Research, 30, pp. 185- 216., Betz, Hans-Georg and Stefan Immerfall. 1998. The New Politics of the Right: Neo-Populist Parties and Movements in Established Democracies. New York: St. Martin’s., Kitschelt, Herbert and Anthony McGann. 1995. The Radical Right in Western Europe : A Comparative Analysis . Ann Arbor: University of Michigan Press., Norris, Pippa. Radical Right: Voters and Parties in the Electoral Market. (2005). New York: Cambridge University Press., Carter, Elisabeth. 2005. The Extreme Right in Western Europe: Success Or Failure?. Mancheste: Manchester University Press., Ivarsflaten, E. 2007. ‘What Unites Right-Wing Populists in Western Europe?: Re-Examining Grievance Mobilization Models in Seven Successful Cases’. Comparative Political Studies, Vol. 41 (1), pp. 3–23., Mudde, Cas. 2007. Populist Radical Right Parties in Europe. Cambridge: Cambridge University Press., Arter, David. 2011. Inside the Radical Right: The Development of Anti-Immigration Parties in Western Europe. Cambridge: Cambridge University Press., Berezin, Mabel. 2013. "The Normalization of the Right in Post-Security Europe", in: Armin Schaefer and Wolfgang Streeck (eds.), Schaefer, Armin and Wolfgang Streeck. eds. 2013. Politics in an Age of Austerity.Cambridge: Polity Press..
  • Madrid, R. L. 2008. ‘The rise of ethno populism in Latin America’. World Politics, Vol. 60(3), pp. 475–508., Levitsky, Steven and, Kenneth M Roberts (eds.). Roberts . 2011. The Resurgence of the Latin American Left. Baltimore: John Hopkins University Press..
  • Kazin, Michal. 1995. The Populist Persuasion: An American History. Ithaca: Cornell University Press, Lowndes, Joseph E. 2008. From the New Deal to the New Right. New Haven: Yale University Press.
  • Bale, Tim, Stijn van Kessel and Paul Taggart. 2011. ‘Thrown Around With Abandon? Popular Understandings of Populism as Conveyed by the Print Media: A UK case study’, Acta Politica, Vol. 46 (2), pp. 111–131. p.121
  • See also Moffitt, Benjamin and Simon Tormey. 2013. ‘Rethinking Populism: Politics, Mediatisation and Political Style’, Political Studies., Pauwels, Teun. 2011. ‘Measuring Populism: A Quantitative Text Analysis of Party Literature in Belgium’, Journal of Elections, Public Opinion and Parties. Vol. 21 (1), pp. 97–119.