 |
نووسەر: دکتۆر مه‌حموود سه‌ریعولقه‌له‌م، توێژه‌ری بواری په‌ره‌پێدان، زانسته سیاسییه‌كان و مێژووی هاوچه‌رخی ئێران
وه‌رگێڕانی له فارسییه‌وه: ته‌حسین ته‌ها
ئه‌و سی شته‌ی كه یارمه‌تیی گه‌شه‌ی عه‌قڵانییه‌تی تاك ده‌ده‌ن
- به خۆی ده‌ڵێ: من به‌رهه‌م دێنم، كه‌واته هه‌م؛
- لانی كه‌م ساڵانه 15 كتێب ده‌خوێنێته‌وه؛
- به‌وپه‌ڕی ئه‌ده‌ب و ڕێزه‌وه، سینگ بۆ بیروڕای جیاواز و دژ به خۆی ده‌رده‌په‌ڕێنێ؛
- وه‌ك ئه‌ڵمانه‌كان، هه‌ستیاره به واده و قه‌وڵ و قه‌راره‌وه؛
- هه‌ڵده‌بژێرێ كه به‌رامبه‌ر چ بابه‌تێك په‌رچه‌كردار بنوێنێ؛
- توانایه‌كی به‌رچاوی هه‌یه له كۆبه‌ندكردنی قسه‌كانی خۆیدا؛
- - هه‌وڵ ده‌دات بچێته ناواخنی عه‌قڵی به‌رامبه‌ری خۆیه‌وه تا بیناسێ؛
- - لانی كه‌م له گفتگۆكانی خۆیدا 2500 وشه به‌كار دێنێ؛
- - وه‌ك ژاپۆنییه‌كان، بۆ ئه‌نجامدانی هه‌ر كارێك، دابه‌شی ده‌كاته سه‌ر 10 به‌ش؛
- - ده‌توانێ له بیست ساڵییه‌وه هێڵی هزر و بیره‌كانی خۆی بكێشێ؛
- - لانی كه‌م ده‌توانێ 30 لاپه‌ڕه‌ی A4 له‌باره‌ی خۆیه‌وه بنووسێ؛
- - وه‌ك ئینگلیزه‌كان، له هیچ دۆخ و هه‌لومه‌رجێكدا جنێو به‌وانی تر نادات؛
- - ده‌زانێ جیاوازی چییه له نێوان هه‌شت و، هه‌شت و یه‌ك خوله‌كدا؛
- - وه‌ك تۆنسییه‌كان، باوه‌ڕبه‌خۆبوونی هه‌یه و ڕێگه ده‌دات هه‌مووان قسه‌ی خۆیان بكه‌ن؛
- - زۆر باش ئاگاداری ئه‌نجام و ئاكامی كورتخایه‌ن و درێژخایه‌نی قسه‌كانییه‌تی؛
- - توانای ئه‌وه‌ی هه‌یه به شێوه‌ی نووسین ڕه‌خنه له خۆ بگرێ؛
- - به شێوه‌یه‌كی فراوان، ژماره به‌كار دێنێ؛
- - درۆ ناكات، چونكه عه‌وداڵی بنیاتنانی بینای متمانه‌یه؛
- - ئه‌وه‌نده له كه‌نار ڕووبار داده‌نیشێت تاكوو ڕۆژگار خۆی وه‌ڵامی ناپیاوه‌تی ده‌داته‌وه؛
- - گرێدراوی و وابه‌سته‌ییی داراییی به ده‌زگه‌ی ده‌وڵه‌ته‌وه، له كه‌مترین ئاستی خۆیدایه؛
- - بۆ درككردن و تێگه‌یشتن له پێگه‌ی ته‌نیایی، هه‌وڵی خۆی ده‌خاته گه‌ڕ؛
- - وه‌ك چینییه‌كان، بڕیاره‌كانی ئه‌و، له واقعه هه‌ستپێكراو و دیاره‌كانه‌وه سه‌رچاوه ده‌گرن؛
- - ئه‌وه‌نده ئه‌ركناسه، كه به‌ده‌گمه‌ن كه‌سێك شتێكی وه‌بیر دێنێته‌وه یان ئاگاداری ده‌كاته‌وه؛
- - هه‌وڵ ده‌دات له ڕێگه‌ی دونیای ناخ و ده‌روونیانه‌وه، له قسه‌ی ئه‌وانی تر تێ بگات؛
- - وه‌ك خه‌ڵكی ئیسكاندیناڤیا، خۆی له‌سه‌ر خاكه‌ڕاییی زاتی ڕادێنێ؛
- - له ڕێگه‌ی گه‌شته زۆره‌كانییه‌وه، ده‌رفه‌تی به‌راوردكردن به‌ده‌ست دێنێ؛
- - له ڕێگه‌ی چاو و زه‌رده‌خه‌نه‌وه دژایه‌تی و ڕازینه‌بوونی خۆی نمایش ده‌كات؛
- - زۆربه‌ی په‌رچه‌كرداره‌كانی خۆی، به دیدێكی درێژخایه‌نه‌وه ڕێك ده‌خات؛
- - مێشكی زیاتر به Fact داوه‌ری ده‌كات و بڕیار ده‌دات تاكوو به وه‌هم، مه‌زه‌نده و گومان؛
- - وه‌ك یاساناسێك، له به‌كارهێنانی وشه‌كاندا وه‌سواسی هه‌یه؛
سی تایبه‌تمه‌ندیی كه‌سایه‌تیی له‌ق و ناجێگیر (= په‌ره‌نه‌سه‌ندووییی كۆمه‌ڵگه)
- ڕۆژێ سێ جار جیهانبینییه‌كه‌ی ده‌گۆڕێ؛
- زۆر مانۆڕ ده‌دات و لێ ده‌سووڕێته‌وه؛
- هه‌ر ساتێك له‌وانه‌یه هه‌ر شتێك بكات؛
- هه‌ر زوو ده‌ڕووخێ؛
- ناتوانێ دۆست و هاوڕێی جێگیری هه‌بێ؛
- ته‌نیا ده‌بێ به شان و باڵیدا هه‌ڵبگوترێ؛
- زۆر باسی ڕاستگۆیی و كه‌ڕامه‌ت ده‌كا؛
- زۆر زیره‌كه به‌ڵام بۆ ماوه‌یه‌كی كورت؛
- هه‌شتا له‌سه‌دی Data ده‌شارێته‌وه؛
- ڕه‌فتار و هه‌ڵسوكه‌وتی له‌سه‌ر هیچ پڕه‌نسیپێك ڕانه‌وه‌ستاوه؛
- Fact به دوژمنی خۆی ده‌زانێ؛
- له فرتوفێڵدا هیچ سنوورێك ناناسێ؛
- جوان و به‌وردی دیراسه‌ی ڕیسكه‌كان ناكا؛
- به‌قه‌د ژماره‌ی به‌رده‌نگه‌كان [موخاته‌به‌كان]، ده‌مامك ده‌به‌ستێ؛
- زۆر هاتوهاوار ده‌كات و ده‌یكات به هه‌را؛
- له هێوری و ئارامیی ئه‌وه‌وه بۆ تووڕه‌بوون، كه‌متر له 30 چركه‌ی پێده‌چێ؛
- ده‌توانێ له ڕۆژێكدا له پێنج شانۆی جیاوازدا ڕۆڵ بگێڕێت؛
- چێژ له‌وه وه‌رده‌گرێ كه به خه‌ڵكی ڕابوێرێ؛
- به چینه تێكچنراوه‌كانی خه‌یاڵپڵاویدا پیاسه ده‌كا؛
- ئاگایانه و به‌وریایییه‌وه وشه‌كان به‌كار دێنێ بۆ فریودان؛
- تێگه‌یشتن له واقع، له‌گه‌ڵ ستایلی كورتخایه‌نی ژیانی ئه‌ودا دژ و ناكۆكه؛
- به زێده‌بێژی و موباله‌غه شاگه‌شكه ده‌بێ؛
- ناتوانێ بۆ ماوه‌یه‌كی درێژ متمانه به‌ده‌ست بێنێ؛
- پێناسه‌یه‌كی كورتماوه‌ی هه‌یه بۆ چێژوه‌رگرتن و ژیان؛
- وا ڕه‌فتار ده‌كا كه ئه‌وانی تر پرسیار نه‌كه‌ن؛
- حه‌ز ده‌كا سه‌نته‌ری هه‌موو شوێنێك و هه‌موو شتێك بێ؛
- به خستنه‌ڕوو و هێنانه‌گۆڕێی ئه‌رگیۆمێنت [استدلال]، بێتاقه‌ت ده‌بێ؛
- نزیكی و تێكه‌ڵییه‌كه‌ی، به‌زۆری شتێكی ساخته‌یه؛
- پێی وایه خۆڕاگری، ژه‌هره؛
- هیچ حه‌زی له ته‌ركیزكردن و سه‌قامگیری نییه، چونكه هه‌یه‌جان و عاتیفه‌ی لێ ده‌ستێنێ؛
بۆچی سیاسه‌تی ئێمه، به‌گشتی تێكه‌ڵ بووه به تووڕه‌یی؟ سی هۆ
- چونكه هاوپه‌یمانێكی وامان له جیهاندا نه‌بووه پشتی پێ ببه‌ستین؛
- چونكه بیۆگرافیمان (زۆر) كه‌م خوێندۆته‌وه؛
- چونكه كڕیاری هه‌یه؛
- چونكه زۆر زۆر پێویستیمان به‌وه هه‌یه ده‌ربكه‌و‌ین؛
- چونكه زیاتر چێژ له هه‌یه‌جان وه‌رده‌گرین تاكوو له بێده‌نگی و ئارامی؛
- چونكه میدیاكان بابه‌تیان ده‌ست ده‌كه‌وێ؛
- چونكه وه‌ك چه‌ندێتی سه‌یری جیاوازییه‌كانی نێوان وڵاتان ناكه‌ین؛
- چونكه به‌زۆری لێكتێگه‌یشتن به عه‌یب ده‌بینین؛
- چونكه Compromiseمان به سازش و ته‌نازول ته‌رجه‌مه كردووه؛
- چونكه له نه‌ست و نائاگای خۆماندا، بێده‌نگی و به‌ڕوونی قسه‌كردن، به لاوازی ده‌زانین؛
- چونكه زۆر تاقه‌تی ئه‌وه‌مان نییه ئه‌رگیۆمێنت بێنینه‌وه؛
- چونكه به كه‌سێك كه ئارام و قسه‌زانه، ده‌ڵێین كه كێشه‌ی هه‌یه؛
- چونكه له جیاتی دۆست و هاوڕێ، به‌دوای مورید ده‌گه‌ڕێین؛
- چونكه به‌زۆری میدیاكان، زیاتر به پرسه عاتیفی و هه‌یه‌جانییه‌كانه‌وه ناوبانگ په‌یدا ده‌كه‌ن؛
- چونكه كۆڕه‌فتاری ئێمه زیاتر په‌رچه‌كردارانه‌یه؛
- چونكه پێناسه‌ی ئێمه بۆ سه‌روه‌ریی سیاسی، به‌زۆری نائابوورییانه‌یه؛
- چونكه له نائاگای ئێمه‌دا، داستان و چیڕۆك زۆر له Fact سه‌رنجڕاكێشتره؛
- چونكه ده‌ربڕینی ئه‌رگیۆمێنتییانه‌ی لاوازییه‌كان، وه‌ك شكستێك ده‌بینین؛
- چونكه پێمان وایه خوێندنه‌وه‌ی خۆمان بۆ پرسه‌كان، ته‌نیا خوێندنه‌وه‌یه و ته‌واو؛
- چونكه ئه‌و كه‌سه‌ی كه له قسه‌كردندا هاتوهاوار ده‌كا، به هه‌ق ده‌زانین؛
- چونكه بۆ سی ساڵی داهاتوو، به‌رنامه و پلانمان نییه؛
- چونكه پێناسه‌ی ئێمه بۆ سه‌روه‌ریی نه‌ته‌وه‌یی، زیاتر نزیكه له گۆشه‌گیری و په‌راوێزكه‌وتنه‌وه؛
- چونكه كاتێ كه تووڕه ده‌بێ، هه‌ست ده‌كه‌ین غه‌دری لێ كراوه؛
- چونكه فێره Share كردن نه‌بووین؛
- چونكه پێویستیمان به سه‌قامیگیریی به‌رده‌وامی خۆمان هه‌یه؛
- چونكه له سیاسه‌تدا عه‌وداڵی ڕاستگۆیین و نایدۆزینه‌وه؛
- چونكه پێمان وا نییه بنه‌مای ده‌سه‌ڵات، بریتییه له تێكڕای به‌رهه‌مهێنانی نیشتمانی؛
- چونكه زۆربه‌مان مێژووی چوار سه‌ده‌ی سه‌رمایه‌داریمان نه‌خوێندۆته‌وه؛
- چونكه ڕه‌خنه‌له‌خۆگرتن، له نائاگا و نه‌ستی ئێمه‌دا كۆگه‌یه‌كی گرنگی نییه؛
- چونكه شاره‌زایییه‌كی وردمان نییه بۆ چاره‌سه‌ركردنی پرسه‌كان له ڕێگه‌ی دیبه‌یته‌وه؛
بۆچی ئاگامان له‌و شته نییه كه ده‌یڵێین؟ سی هۆ
- چونكه كتێب ناخوێنینه‌وه؛
- چونكه گرنگیی گه‌شه‌ی كه‌سایه‌تی، ته‌نانه‌ت ناگاته له‌سه‌دا ده‌ی سیسته‌می په‌روه‌رده؛
- چونكه سیسته‌می په‌روه‌رده، پشتئه‌ستووره به له‌به‌ركردن و ده‌رخكردن تاكوو بیركردنه‌وه؛
- چونكه په‌روه‌رده‌ی خێزانی، پتر پشتئه‌ستووره به هه‌ست و سۆزه‌وه تاكوو گه‌شه‌ی تاك؛
- چونكه فێر نه‌كراوین كه قسه‌كردن، به‌رپرسارێتییه؛
- چونكه كاتێ پاره‌مان ده‌ست ده‌كه‌وێ، هه‌ست به ده‌سه‌ڵات ده‌كه‌ین؛
- چونكه كاتێ ده‌گه‌ین به ده‌سه‌ڵات، هه‌ست به گه‌وره‌یی و باڵاده‌ستی ده‌كه‌ین؛
- چونكه زۆربه‌مان به‌دوای دوو ئامانجی سه‌ره‌كیدا ده‌ڕۆین له ژیاندا: پاره و ناوبانگ؛
- چونكه به‌رژه‌وه‌ندیی تاكه‌كه‌سی، به‌سه‌ر ڕه‌فتاری ئه‌خڵاقیدا زاڵه؛
- چونكه له بنه‌ڕه‌تدا وه‌ك ئامرازێك سه‌یری مرۆڤه‌كانی تر ده‌كه‌ین؛
- چونكه تاكه‌كان، له‌پڕ ده‌گه‌نه پێگه‌یه‌كی چاوه‌ڕواننه‌كراو؛
- چونكه بێڕێزیكردن به مرۆڤه‌كان له جیهانی سێیه‌مدا ده‌رهاوێشته و ئاكامێكی خراپی ئه‌وتۆی به‌دواوه نییه؛
- چونكه هێزی هه‌ست و سۆز و عاتیفه، له‌سه‌دا نه‌وه‌د به‌سه‌ر عه‌قڵی حیسابكه‌ر و هه‌ڵسه‌نگێنه‌ردا زاڵه؛
- چونكه بیركردنه‌وه به‌ر له قسه‌كردن، مه‌جالی پڕۆڤه‌كردنی نییه؛
- چونكه تاكه‌كان، ده‌فع ده‌بن؛
- چونكه ژماره‌ی Follower، زۆر گرنگتره له هه‌بوونی پڕه‌نسیپ؛
- چونكه دیار نییه به‌رپرسی په‌روه‌رده‌ی مه‌ده‌نی كێیه؛
- چونكه په‌روه‌رده، له خێزان و پۆلی خوێندنه‌وه، گواستراوه‌ته‌وه بۆ جیهانی مه‌جازی؛
- چونكه ڕه‌گه‌زی "كات" له قسه‌كردندا ڕاگیراوه؛
- چونكه ناسه‌قامگیریی ئابووری، هاوسه‌نگیی ڕه‌فتاریی تێك داوه؛
- چونكه ئاشنابوون به ئه‌ده‌بیاتی فارسی زۆر زۆر لاواز بووه‌ته‌وه؛
- چونكه له نائاگای تاكه‌كاندا، به‌شی ڕه‌چاوكردن و پاراستنی مافی خه‌ڵكی تر قفڵه؛
- چونكه گرووپه ژێده‌ره كه‌لتوورییه‌كان له كۆمه‌ڵگه‌دا گۆڕاون؛
- چونكه ده‌روونناسیی تێگه‌یشتن له‌وانی تر، له زۆربه‌ی تاكه‌كاندا لاوازه؛
- چونكه زیره‌كی و گورجوگۆڵیی حازربه‌ده‌ست، گرنگتره له میراتی كه‌سایه‌تی؛
- به خه‌یاڵی خۆمان، ئه‌وانی تر هه‌ست به نییه‌ت و نیازی ئێمه ناكه‌ن؛
- چونكه ئینتیما بۆ كۆمه‌ڵگه‌یه‌كی ته‌ندروست، زۆر لاوازه؛
- چونكه ژیان شتێكی جددی نییه؛
- چونكه نازانین وشه نه‌رێنییه‌كان له مێشكی مرۆڤدا ده‌مێننه‌وه و به‌رده‌وام ده‌بن؛
- چونكه زۆربه‌ی تاكه‌كان، ته‌نانه‌ت پینج لاپه‌ڕه‌یش له‌باره‌ی خۆیانه‌وه ناتوانن بنووسن.
سی كۆسپی ده‌روونناسانه له به‌رده‌م پێشكه‌وتندا
- ڕاده‌ربڕین سه‌باره‌ت به هه‌ر بابه‌تێك؛
- ته‌قریبه‌ن ڕاگرتنی ڕه‌خنه‌گرتن له بیروڕای خۆمان؛
- ته‌قریبه‌ن ڕاگرتنی ڕه‌خنه له ڕه‌فتار و هه‌ڵسوكه‌وتی خۆمان؛
- ته‌قریبه‌ن ڕاگرتن و وه‌ستاندنی ڕه‌خنه له بێبه‌ڵێنی و په‌یمانشكێنیی خۆمان؛
- ته‌قریبه‌ن ڕاگرتنی ڕه‌خنه له قسه‌ی ناشیرین گوتن به‌وانی تر؛
- به‌كارهێنانی نائاگایانه‌ی وشه‌كان؛
- دڵخۆشبوون به هاوكارینه‌كردن له‌گه‌ڵ ئه‌وانی تر؛
- به‌رده‌وام داوه‌ریكردن و بڕیاردانی نه‌رێنی له‌سه‌ر نییه‌ت و نیازی خه‌ڵكی تر؛
- خه‌یاڵی ئه‌وه‌ی كه ئه‌وانی تر، ڕابردوو له‌بیر ده‌كه‌ن؛
- دڵخۆشیی له‌خۆڕا و نائاگایانه به‌هۆی زیره‌كی و گورجوگۆڵیی یه‌ك هه‌فته‌یییه‌وه؛
- په‌كخستنی ئامرازه‌كانی كۆنترۆڵی تووڕه‌یی؛
- دڵخۆشیی نائاگایانه به‌هۆی چوونه نێو تایبه‌تمه‌ندێتی [هه‌رێمی تایبه‌تی]ی ئه‌وانی تره‌وه؛
- به‌خۆگوتنی نائاگایانه له‌سه‌ر خۆ به ڕاست زانین؛
- به‌خۆگوتن [ته‌لقین]ی نائاگایانه له‌سه‌ر خۆ به‌هه‌ق زانین؛
- به‌خۆگوتنی نائاگایانه له‌سه‌ر خۆ به‌گه‌وره زانین؛
- ڕاگرتنی خانه‌كانی گومانكردن له به‌شی ئاگای مێشكدا؛
- خووی نائاگا به شاردنه‌وه‌ی ڕاستی و هه‌قیقه‌ت؛
- خووی نائاگا به درۆكردن؛
- خووی نائاگا به جنێودان؛
- خووی نائاگای پێچه‌وانه نیشاندانی پرسه‌كان؛
- خووی نائاگا به بێتاواندانانی خۆمان له هه‌ڵه‌كان؛
- خووی نائاگا به نغرۆبوون له خۆپه‌رستییه‌كاندا؛
- خووی نائاگا به موباله‌غه و زمانلووسی؛
- خووی نائاگا به ناشیرینكردنی ڕكابه‌ره‌كان؛
- خووی نائاگا به گه‌ڕان به دوای ڕیشه‌ی كێشه‌كان له ده‌ره‌وه‌ی خۆمان؛
- خووی نائاگا به دژایه‌تیكردنی نائاگایانه له‌گه‌ڵ گۆڕان و وه‌رچه‌رخاندا؛
- خووی نائاگا به شێواندنی مانای وشه‌كان؛
- خووی نائاگا به چێژوه‌رگرتن له پێڕه‌ویكردن له‌وانی تر؛
- خۆشه‌ویستی و شه‌یداییی بێسنوور بۆ پاره و ده‌سه‌ڵات و، شاردنه‌وه‌ی ئاگایانه‌ی ئه‌م شه‌یدایییه؛
- باڵاده‌ستیی نزیكه‌ی ڕه‌های نائاگای ژه‌نگاوی له‌سه‌ر بیروڕا، ڕه‌فتار و ئاخاوتن.
سەرچاوە: https://sariolghalam.com