گەورەترین پەرلەمان لە جیهان، پەرلەمانی وڵاتی "چین"ە، کە ٢٩٨٠ ئەندامی هەیە. بچووکترین پەرلەمانیش لە جیهاندا، پەرلەمانی وڵاتی "میکرۆنێزیا"یە، کە خاوەنی ١٤ کورسییە.

یەکەمین وڵات لە جیهاندا، "ڕواندا"یە کە ٪٦١.٣ی ژنان پێکی دێنن. لە ڕیزبەندیی وڵاتانی جیهان کە ١٩٢ وڵات لە خشتەکەدا هاتووە، یەمەن لە کۆتاییی ڕیزبەندییەکەدایە و پەرلەمانەکەی ٢٧٥ کورسیی هەیە و گشتیان پیاون.

تەنیا سێ وڵات (ڕواندا، کووبا و بولیڤیا) توانیویانە ڕێژەی لە سەرووی ٪٥٠ کورسیی پەرلەمان بۆ ژنان مسۆگەر بکەن.

شەش وڵاتیش (مێکزیکۆ، گرێنادا، نامیبیا، سوید، نیکاراکوا و کۆستاریکا) لە ٪٤٥ەوە تا سنووری ٪٥٠ باس لە ئاستی ڕێژەی ژنان لە پەرلەمانی ئەو وڵاتانە دەکات. لە کۆی ٩ وڵات کە بەرزترین ئاستی بەشداریی ژنانیان لە پەرلەماندا هەیە، تەنیا وڵاتێک ئەویش "سوید"ە کە لە جوگرافیای ئەوروپادا هەڵکەوتووە!

هەرێمی کوردستان لەنێو ١٩٢ وڵاتی جیهان بە بوونی ڕێژەی ٪٣١.٥ی ژنان لە پەرلەماندا، لە پلەی چل و دووەمدایە. لە ڕۆژهەڵاتی ناوەڕاستیشدا، هەرێمی کوردستان بە ڕێژەی ٪٣١.٥ی ژنان لە پەرلەماندا، لە پلەی یەکەمدایە. دوای هەرێمی کوردستانیش، "ئیسڕائیل"ە، کە ٪٢٧.٥ی ئەندامانی پەرلەمانی ئەو وڵاتە ژنان پێکی دێنن.

قەرەنی قادری

https://www.ipu.org

پەرلەمانی ڕواندا